اعلان

الحكم على مهندس في شركة مايكروسوفت بالسجن 9 سنوات بعد سرقة 10 مليون دولار من الشركة


الحكم على مهندس في شركة مايكروسوفت بالسجن 9 سنوات بعد سرقة 10 مليون دولار من الشركة.

شركة مايكروسوفت عندها سيستم لتجربة نظام الدفع على متاجر مايكروسوفت والتأكد من عدم وجود مشاكل في عملية الدفع.

لتجربة السيستم ده كان الموظفين بيستخدموا حسابات تجريبية لمحاكاة عملية الشراء، وكان نظام الدفع بيقدر يتعرف على الحسابات دي وبيعتبر عملية الشراء منها كأنها لم تحدث ومش بيتعامل معاها بأي شكل.

الكلام ده كانت تمام لغاية سنة 2017 لما اتعين موظف جديد اسمه "فولوديمير كفاشوك" اللي قدر يكتشف ثغرة في النظام اللي كان بيتجاهل عمليات الشراء من الحسابات التجريبية للمنتجات المادية اللي ليها وجود زي مثلا الجوي ستيك، لكن لو اتعمل من الحساب التجريبي ده عملية شراء لبطاقات هدايا Xbox كان بيتعامل معاها على أنها عملية حقيقية ويعرض كود البطاقة عادي.

صاحبنا بدل ما يبلغ الثغرة للشركة استغلها وكان بيسرق بطاقات من المتجر ويبيعها بسعر أقل مقابل عملات رقمية.

بعد سنتين من سرقة البطاقات وبيعها قدر فولديمير يحقق أرباح 10 مليون دولار.. لكن بعدها في 2019 الشركة قدرت تكتشف السرقة، وصاحبنا اتحكم عليه امبارح بـ9 سنين سجن وتعويض للشركة 8.3 مليون دولار.

كتابة تعليق

أحدث أقدم