اعلان

تعرف علي كيفية التقديم على فيزا سياحة لامريكا

Visitor Visa 🇺🇲

التقديم على فيزا سياحة لامريكا والتجديد

مع فيديو خطوه بخطوه اخر البوست
كتير بيسألو ازاي نقدم على فيزا سياحة او نجدد الفيزا
فالموضوع دا هيعلمك ازاي تقدم و تجدد الفيزا لوحدك من اي مكان

المطلوب:صوره فيزا خلفية بيضاء
فورم الفيزا DS160
بتتملي هنا
https://ceac.state.gov/genniv/
باسبور ساري
 وصل الدفع بتاع البنك بعد دفع تمن الفيزا 160$ دولار او ما يعادلهم بعمله البلد
 ورقة معاد المقابلة بعد تحديد المعاد
ال ٥ حاجات دول الي هتحتاج تأخذهم معاك المقابلة

لو انتي حامل و عايشة في أمريكا و عاوزة اهلك يحضروا الولادة بتجيبي ورقة من الدكتور بيبقى مكتوب فيها اسمك، ميعاد الولادة، اسم الدكتور و العنوان و امضته كاثبات
بعد ما تخلص ملي فورم الفيزا بتطبع ورقه التأكيد الي بيبقى عليها صورتك و بتحتفظ بيها للمقابلة زي الصوره التانيه دي:

تعرف علي كيفية التقديم على فيزا سياحة لامريكا

بعد كده بتدخل على موقع السفارة التابع لبلدك
ده موقع سفارة مصر مثلاُ:

و الي علية بردو كل الخطوات بالعربي لو غيرت اللغه من فوق على اليمين
و تعمل أكونت و تملي البيانات و بيطلعلك قسيمه إيداع رسوم التأشيرة ورقة مكتوب فيها اسمك و المبلغ

و خلي بالك ان عليها تاريخ مينفعش تستخدم بعدهدى الورقة الي بتروح بيها البنك تدفع مصاريف الفيزا و تأخد الوصل
بعد دفع المصاريف ب ١٢ ساعه بتدخل تاني علي نفس الاكونت و تختار المعاد المناسب ليك للمقابلة

في المقابلة بيسألك رايح فين و ليه و هتقعد إد اية
حصولك على الفيزا يعتمد على موظف السفارة لو شايف انك رايح سياحة فعلا و راجع هتاخدها. لو شايف انك بتقدم لأهداف تانية او في تلاعب في الورق هيرد بالرفض

 بالنسبة للتجديد هي هي نفس الخطوات لكن بعد دفع مصاريف الفيزا بدل ما تدخل على الاكونت عشان تختار معاد بتختار ان دي مش اول فيزا ليك فبيطلع ورقة إعفاء من المقابلة و بتاخد كل الورق المطلوب فوق مع ورقة الاعفاء و توديه ارامكس
و دي فيديوهات تفصيلية للتقديم على الفيزا و التجديد
1 - التقديم علي فيزه سياحه لأمريكا form ds 160 الجزء الأول



2 - الجزء التاني من التقديم على فيزا سياحة لامريكا او تجديد الفيزا

كتابة تعليق

أحدث أقدم

اعلان