اعلان

شرح كامل عن كيفية التقديم على الجنسية الامريكية Application for Naturalization

Application for Naturalization 🇺🇲🇺🇲
N400

شرح كامل عن كيفية التقديم على الجنسية الامريكية 🇺🇲🇺🇲

فيديو التقديم اخر البوست خطوه بخطوه

 تقدر تقدم على الجنسيه لو الجرين كارد بتاعك عدي الخمس سنوات من التاريخ المكتوب عليه
او ثلاث سنوات من تاريخ الجرين لو عن طريق زوج/ زوجه حاملين الجنسيه بشرط أن جنسيه حامل الجنسيه عدي عليها ثلاث سنوات او اكتر
✔️ إرسال الأوراق او التقديم اونلاين بيدأ ٣ شهور قبل تكملة المده
بشرط أنك تكون قضيت داخل أمريكا ٣٠ شهر كاملين بدون السفر خارج أمريكا اكتر من 6 شهور متصلين
او لو في حالة التقديم عن طريق زوج/زوجه حاملين الجنسيه تكون قضيت داخل أمريكا ١٨ شهر كاملين بدون السفر خارج أمريكا اكتر من ٦ شهور متصلين


الورق المطلوب:
📌 فورم الجنسيه N400
📌 صورة من الجرين وش و ضهر و يكون تاريخه ساري
📌 صورة من عقد الزواج الحالي
في حاله الطلاق يبقى صورة من عقد الطلاق
او شهادة وفاة لو احد الاطراف توفي
و لو بلغة غير الانجليزية يبقى صوره من الأصل و الترجمه
📌 مصاريف التقديم

غير مطلوب منك إرسال صور شخصية
الصور الشخصية للي خارج أمريكا بتكليف من الدولة و بيقدم من الخارج

فورم الجنسية تقدر تملاها و تبعتها اونلاين على الموقع الرسمي
او تملاه اونلاين و تطبعه و ترسله في البريد
او تطبعه و تملاه يدوي بقلم اسود و ترسله في البريد
🔍خلي بالك ان الفورم لازم يكون حديث عليه نفس التاريخ من فوق زي الي على الموقع الرسمي و مش فورم قديم طبعته و خليته عندك

 مصاريف التقديم تتقسم الي
$640 دولار تمن التقديم و$85 دولار مصاريف البصمات
👴👵لو الي بيقدم سنه ٧٥ فيما فوق غير مطلوب مصاريف البصمات
المصاريف بتدفع اونلاين لو انت هتقدم على الفورم اونلاين عن طريق الكريديت
او عن طريق شيك check او money order من اي والمارت مثلا او مكتب البوسطه
و بتكتب اسمك و عنوانك كمرسل
و المرسل اليه:
US Department of Homeland Security

لو انت من محدودي الدخل او بتاخد اعانات من الدولة او حصلك ازمة مالية مثبتة تقدر تقدم على إعفاء من الدفع و تبعته مع الورق Form i912 fee waiver
و في هذه الحالة يتم ارسال الورق كله في البريد مينفعش اونلاين.

📬 لو أنت من سكان الولايات او الجزر الآتيه:
Alaska, Arizona, California, Colorado, Micronesia, Guam, Hawaii, Idaho, Kansas, Mariana Islands, Montana, North Dakota, Nebraska, Nevada, Oregon, Utah, Washington, Wyoming:
هتبعت الورق على
USCIS
P.O Box 21251
Phoenix, AZ 85036
لو في البريد العادي USPS

لو هتبعت عن طريق FedEx, DHL ،UPS

فالعنوان
USCIS
Attn: N-400
1820 E. Skyharbor Circle S
Suite 100
Phoenix, AZ 85034

📬 لو أنت من سكان الولايات او الجزر الآتيه:
Alabama, Arkansas, Connecticut, District of Columbia, Delaware, Florida, Georgia, Kentucky, Louisiana, Massachusetts, Maryland, Maine, Mississippi, North Carolina, New Hampshire, New Jersey, New Mexico, New York, Oklahoma, Puerto Rico, Rhode Island, South Carolina, South Dakota, Tennessee, Texas, Virginia, Virgin Islands, Vermont, West Virginia:
هتبعت الورق على
USCIS
P.O Box 660060
Dallas, TX 75266
لو في البريد العادي USPS

لو هتبعت عن طريق FedEx, DHL, UPS

فالعنوان:
USCIS
Attn: N-400
2501 S State Hwy 121 Business
Suite 400
Lewisville, TX 75067

 ورق غير مطلوب إرسالة لكن ممكن تضيفه لانه مطلوب في المقابله
📍 ورق الضرايب
📍شهادات ميلاد أطفال لو فية
📍 لو التقديم عن طريق زوج/ زوجه حامل للجنسية
يبقى شهادة الجنسيه و ما يثبت ان الجواز سليم زي حسابات مشتركه
📍لو تم القبض عليك او محاكمتك لازم يكون معاك الورق الاصلي

فيديو التقديم


بعد إرسال الأوراق بيتم إرسال جواب لك من إدارة الهجره يفيد باستلامهم الأوراق

و بعد ذلك جواب اخر بمعاد البصمات ثم معاد المقابلة

كتابة تعليق

أحدث أقدم

اعلان