اعلان

تعرف علي اهمية الـ Social Security Number في امريكا

Social Security Number

رقم السوشيال سيكيورتى هو اهم رقم سري خاص بيك في أمريكا .. ليه ؟فهو مرتبط بجميع بياناتك المالية و الحكومية و سرقته او ضياعه ممكن يدخلك في مشاكل كتير اهمها النصب باسمك و استخدامه في الآتي
📍 فتح حسابات بنكية و استخدام الكريديت بتاعك في فتح غيره و توريطك ماديا
📍 ملئ الضرايب بدلا عنك و سرقه فلوس الضرايب tax return
📍 التقديم على مساعدات حكومية باسمك و اخد مساعدات من حقك
📍 الوصول لجميع بياناتك الشخصية
📍 انتحال شخصيتك و توريطك في قضايا نصب
ممكن المنتحل يعيش حياته علي انه انت بتاريخ ميلادك و اسمك كاملا و محل اقامتك و رقم السوشيال و يطلع كمان تحقيق شخصية بصورته و بياناتك انت
عشان كده تخلي بالك:
 محدش يعرف رقم السوشيال بتاعك ولا تديه لأي حد بحسن نيه او وعود ذائفه في إيجاد وظيفة ليك
 اي ورقة عليها السوشيال او اي بيانات شخصية ليك متترميش في القمامه و لكن يتم حذف البيانات الخاصة بيك او التخلص منها بطريقة أمنه زي مفرمة الورق
عند التقديم على وظائف أونلاين تتأكد ان الموقع سليم و تابع للمكان الي هتقدم فيه قبل كتابة بياناتك علية
📍 الأماكن الي ممكن تطلب منك الرقم هما البنك، الانشورنس، وظايف، المكاتب الحكومية، مكاتب الضرايب، عند شراء بيت أو سياره أو ايه جهه موثوق منها محتاجه تتحقق من الكريديت بتاعك او تاريخك العملي غير كدة من حقك ترفض إعطاء رقم السوشيال بتاعك
عند ضياع او سرقة رقم السوشيال سيكيورتى بتاعك هتعمل الآتي:
📌 محضر في مكتب البوليس التابع لمنطقتك
📌 أبلاغ مكتب السوشيال سيكيورتى
📌أبلاغ البنك و تجميد الكريديت بتاعك
📌أبلاغ مصلحه الضرايب IRS
📌 و آخر خطوة عمل محضر في لجنه التجاره الفيدراليه لو فية احتمالية ان حد انتحل شخصيتك
Federal Trade Commission
رقم التواصل مع السوشيال:800-772-1213

رقم للتواصل مع مصلحه الضرايب800-829-1040

موقع لجنة التجارة الفيدرالية لعمل المحضرhttps://www.identitytheft.gov/

كتابة تعليق

أحدث أقدم

اعلان