هل في ناس كانت عايشه في امريكا ورجعت مصر تستقر هناك؟

في جروب من جروبات تجمع الجالية العربية في أمريكا شخص سأل سؤال مهم.
بيقول .. هل في ناس كانت عايشه في امريكا ورجعت مصر فعلا ؟
الشخص ده لسه في مصر بس فاز في برنامج الهجرة العشوائية وهيسافر قريب
وعايز يعرف ايه العيوب اللي الواحد ممكن ميستحملهاش ف امريكا
وايه المميزات اللي في مصر مش قادرين يعوضوها في امريكا

يلا نشوف اراء الناس وتجاربهم

واحد قال:
مفيش حاجة ف مصر متقدرش تعوضها ف امريكا.. امريكا فيها كل حاجة وعيوبها ممكن تكون الوحده لو انت عايش لوحدك بس.

واحد تاني قال:
 اولا حسب مدة اقامتك في امريكا.. الاختلاف في مستوى التعليم والرعاية الصحية وسلوكيات الحياة مختلفة تماماً. حاولت 5 سنوات ان استقر في مصر بعد عودتي من اوروبا ولم استطيع.. الامر عايز دراسة كاملة من عدة نواحي.

وفي واحد قال:
انا عرف واحد عاش ثلاث سنوات في امريكا بفيزا سياحة بس للاسف معملش ورق للاقامة هناك ورجع مصر كل يوم يخلع الحزاء ويضرب نقسه.. بس امريكا بتحب الانسان المجتهد بتاع الشغل لكن العويل اللي مبيحبش الشغل ميروحش هناك وشكرا وبصراحه اسوء حاجه هناك قانون الطلاق ده حاجه مش كويسه بالنسبة للمسيحيين !.

ليه قانون الطلاق مش كويس للمسيحيين ؟.

علشان هناك في طلاق في المحاكم لكن كمسيحين منحبش كلمة طلاق للابد لانها بتخالف تعاليم السيد المسيح .

واحد قال ان من اسباب عدم رجوعه لمصر الاحترام والتعليم والحرية.. لكن في مصر لمة العيلة اللي مش هتلاقيها بره بس
واحد رد عليه وقاله وكمان في مصر الونس  وصوت الآذان وطعم رمضان في الدفا اللي مش موجود هنا في امريكا.

واحد قال انك لو جيت امريكا ومعرفتش تعيش فيها لازم تشوف طريقة تعرف تعيش وتستحمل الحياة هنا علشان انك ترجع لدول العالم الثالث ده يعني انك عندك مشكلة علشان تقول كده.. انا مش مفتقد أي حاجه في الشرق الاوسط ماعدا عائلتي واصدقائي.. تقدر تقولي أي حاجه تاني مش موجودة هنا غير الاصدقاء والعائلة؟ مفيش.
لازم نشوف الموضوع من كل الزوايا.. علشان كده واحد قال:
الموضوع ده مش سهل.. فكر كويس وبالذات لو عندك اطفال نفسيتهم هتتعب لو رجعت لمصر.

وكمل وقال:
بيتهيألي اصعب حاجه الغربة واوقات كتير ناس بتحس بالوحدة والاوراق هنا بتاخد وقت لكن التعليم وكويس وكل ولاية علي حسب اللي بتقدمه بس عشان اكون امينة من بعد الكورونا والتعليم اونلاين دي حاجه بالنسبة لي مش حباها الدنيا اتغيرت شوية.

دخل في الحوار واحد تاني وقال:
الموضوع اسهل من كده بكتير علشان محدش يضحك عليك والشعارات والتعليم وغيره الملخص هو حضرتك عندك الاستعداد للمرمته شغل في اي وقت واي شغل
سواقه بالساعات علشان تروحي شغلك او بالمواصلات دا ان وجدت عندك استعداد تشتغلي انتي وجوزك وتبدلو علشان الاولاد
عندكم استعداد ما تشوفي اولادك ولا تقعدي معاهم لانك هترجعي مش تعبانه هلكانه وما هتصدقي انك تنامي علشان تصحي الفجر علشان تروحي شغلك
وهل عندك استعداد تقعدي عشر سنوات بهذا الوضع اللي تقبضيهم تدفعيهم ايجار وبلات ولو اترفدتي من الشغل او استغنوا عنك.
وعلي فكره انا عارف ان كل الناس بتضحك علي بعض هنا وبتكابر وبتنكر
وكل الف واحد بسلك واحد وحظوظ
وكمان بقول لكاهن واتحاورت مع اكثر من كاهن بقله قولوا للناس في مصر ان الحياة بهدله بامريكا اجابتهم كانت كالاتي بنقول للناس محدش يجي وما بيسمعوا الكلام.
الحياه هنا كلمه بهدله قليله عندك استعداد للتحمل تعالي وربنا يكمل
والخلاصة كمان
لو تعبانه وممرمطه بمصر واسف في التعبير تيجي امريكا وانتي مطمنه.
اما لو عندك راس مال وكبير تيجي وتفتحي مشروع وخدي عندك تخلي بالك هيضحكوا عليكي المصرين ويوقعوكي في مشاريع خسراه ويسمسروا من واركي زي ما حصل
ولاني للاسف قابلت حثاله المصرين هناك
ولما بكلم واحد هنا قلي هو انت مفكره اه الامريجيشن ياما لمت
وكمان قلي ليه انت ما تعرفش ان المصرين وحشين مع بعض بالغربه وده مش راى واحد
دا الاخوات ما بتتحمل بعض دا معروفى حتي بين كل الجاليات هناك
الخلاصه
اما التعليم الولد النافع بينفع في كل مكان
ياما اولاد شاطره وجت امريكا وضاعت وفي منهم بالسجون
سديت نفسك صح
والاحلي بقل واحد معرفه هناك ما قلتليش ان الحياة زفت هنا ليه قلي لو كنت قولتلك كنت مش هتصدق وكنت هتقول اني مش عايزك تيجي امريكا قلت تيجي وتشوف بنفسك.
انا مش هقلك زيه انا قلتلك اللي فيها وكمان هقلك الافضل تيجي تجربي علشان تقولي زي والله واعلم.
وختمت رأيها وقالت.
ابو اليوم اللي جت فيه الوتري وابو اليوم اللي رحت امريكا فيه وياريت كانت انقلبت الطياره قبل ما ترسي.
بس الحمدلله خسره شقي عمري وشقي السنين وخسراني كل شي لاكن ربنا نجاني ولسه واقف علي ارض صلبه ويكفيني انه حافظ علي.
ملعونه الحريه.
الحريه زي ما هي حلوه زي ما هي ضيعت ناس كتير.

"ناس كتير جداً اتفقت مع الرأي ده.. وده بيخلي الناس تغير رأيها عن امريكا وتعرف انها مش جنة الأرض".

"بس علشان تبقي عارف قرار انك تيجي امريكا قرار سهل شوية.. لكن قرار الرجوع لمصر او لبلدك مرة تانية بيبقي صعب شوية".

"والرأي ده كمان عجب ناس كتير واتفقوا انه كلام مظبوط فعلا".

بس في واحد خالفه الرأي وقال:
احكي في منطق الموضوع اذا انت عشت في اي بلد و ما طورت حالك مع زيادة مطلبات حياتك لما الاطفال تكبر راح تصعب عليك الحياة اكثر و اكثر بس الانسان الي بدوا يشتغل و يتطور و يتعب علي نفس امريكا معطيتك كل الفرص تعيش افضل من الحياة رح تعيشها في كل الدول العربية .


رأي تاني:
انا عايش في امريكا عشرين سنه بس بنزل مصر كل سنه لاني اعشق الحياة في مصر  بس خلينا واقعيين صعب جدا ان تسيب امريكا وترجع تاني تعيش في مصر بدون العودة لامريكا ساعتها هاتحس بغربة وانت في مصر الا اذا كان عندك تجارب سيئة في أمريكا وعايز تهرب منها ده موضوع تاني
اما لو عايزه تستقري في مصر فدوري علي المدن الجديدة زي الجونة مثلا
اما لو عندك اطفال فـ اوعي ترجع مصر بهم





"صاحب البوست قال انه من الاسباب التانية اللي مش عايز ييجي امريكا علشان انه خايف علي الاطفال من المجتمع الامريكي المنفتح".

فرد عليه واحد وقال:
يعني مصر مفهاش جرايم ولا انفتاح لا فيها بس علي المستخبي شوية
الجرم والانفتاح والحرية موجودين في كل مكان هنا دور البيت. ياما ناس متربيين وعايشين في امريكا و ولادهم زي الفل هي مش قاعدة.

وكمل واحد وقال
طبعا تعالي هنا امان اكثر من مصر أهم حاجه تختار المنطقة اللي ها تعيشي فيها تكون مدارسها حلوه.


واحد قال كمان ان:
الموضوع ده نسبى.. لازم تجربى بنفسك و اعرفى ان سفرية الفسحة حاجة و سفرية انك تقعدى هناك كذا شهر و تشوفى الناس عايشة ازاى حاجة تانية خالص.
انا بالنسبة لى كل ماسافر فسحة ببقى مش عايزة ارجع مصر و كل ما اروح اقعد مدة ٣ شهور تقريبا بقول لنفسى انا عايزة اعيش فى مصر.
بالنسبة لأولادك اعرف اختين واحدة مستحملتش العيشة و المدرسة هناك من التنمر و أجبرت اهلها ترجع مصر و ومقربتش ناحية امريكا تانى و اختها مابين مصر و امريكا لغاية انهاردة.






واحد تاني دخل في الموضوع وقال:
احب اوضح بعض النقاط الهامة.
الطريقة إللى هتيجى بيها عليها عامل كبير.
يعنى لو هجرة ومعاكم ورق وتقدري تشتغلوا على طول ولا قضية ومحدش هيقدر يشتغل وضغط نفسى.
ثانيا سن الأطفال لو صغيرين بيكون احسن من ناحية الاندماج فى المجتمع وكسب اللغة.
مستوى المعيشة فى مصر لو مرتفع لازم نعرف ان احنا هنا بنشتغل شغل مش مناسب لينا حتى على الأقل فى البداية.
وجود التردد فى حد زاته وحش لانه بيأثر على القرار.


وده كمان كان رأي واحد:
نصيحة مني كل واحد بيتكلم من وجهه نظره هو لازم تيجي وتجربي بنفسك وتشوفي كل حاجه علي الطبيعه متسمعيش كلام حد حضرتك تعرفي بنفسك أفضل.


واحد عرض رأيه وقال:
صعب جدا الي يعيش بره سنين يرجع يعيش في مصر خصوصا لو في عيال.


واحد خالف اراء معظم الناس وقال:
بمنتهي البساطة اللي يعيش في امريكا مايقدرش يعيش في مصر تاني ابدا .. تنزل زيارات ماشي بنحب بلدنا الام طبعا لكن ترجع تعيش بها مستحيل .. اللي مش مصدق ويقول لا انا هرجع اقوله كداب .. عموما المطار مفتوح مع السلامة.. استغرب علي اللي يعيش فيها ويبقي بني ادم من خيرها وينكر خيرها .. امريكا بلد مهجر يعني خيرها عليك وتديك كل الفرص لتعمل وتملك وتفتح بزنس وتبقي مواطن امريكي ليك كل الحقوق وفي الاخر تنكر فضلها؟.

فرد عليه واحد تاني وقاله
ليه الهجوم و الانفعال الحاد دة في كلامك؟ احب بس اقول لحضرتك مافيش بلد بتعمل حد او بتخلية بني ادم ، ربنا هو اللي خلانا بني ادميين و احنا اللي بنعمل نفسنا بنفسنا مش البلد اللي عايشين فيها . خيرها اي اللي بيعملنا او اي اللي ننكره ؟؟ حضرتك اي حد عايش برة او في اي حتة جوه بلده بيشتغل و بيتعب عشان يسدد احتياجاته ، يعني مش هنشتغل لله و للوطن و لا اي ؟؟.

واحده انضمت للحوار وردت وقالت:
علي فكره امريكا بلد محترمه جدا لابعد الحدود بس انت اللي مش عارف ممكن او مش عايز ممكن او مش بتحب أمريكا وخلاص ممكن المهم العيب هايطلع في الشخص نفسه.
واحد تاني اتفق مع الرأي ده وقال:
صحيح العرب كلهم اخذوا حقوق في امريكا عمره ما حصل عليها في دولة .. انا بنزل زيارة بس اترك الحياة في امريكا و ارجع اعيش في دولة عربية مستحيل.
اللي بيجى أمريكا مبيرجعش حالات نادرة جدأ اللي بيرجعوا.


واحد حكي تجربته وقال:
انا و عائلتى بعد ٦ سنين اخدنا القرار الرجوع.
سبب الرجوع هو تربية الاطفال و الاشتياق الدائم للاهل بس انا شغلى كله فى امريكا بعمله من مصر.

السؤال: هل الاولاد مبسوطين ولا صغيرين بالنسبالهم عادي.
هما صغيرين بس مبسوطين بباقي عيلتهم علشان في اطفال في سنهم وانا الحقيقة اكتر واحد مضرور مابين مصر وكاليفورنيا علشان موضوع الشغل ده.. بس برضو مبسوط اكتر كده .


واحد وضح الموضوع باختصار وقال:
هي استبدال مجموعة من الظروف بمجموعة اخري من الظروف.وان كنت خايفة علي الاولاد من المجتمع الأمريكي تقدري تقولي يعني مافيش خوف من المجتمع المصري وشايفه ايه مستقبل الشباب والخرجيين في مصر احسبيها وامسكي العصايه من النص.


واحد كمان قال تجربة واحد صاحبه:
انا اعرف واحد عاش هنا خمس سنين ونزل مصر وندمان جدا. الرعاية الصحية والقوانين وكل واخد بياخد حقه صعبة تلاقيها في مصر.


و واحد كمان قال:
انا اعرف واحد رجع مصر وحاول يرجع معرفش وجاله جنان وبقي ماشي في الشارع يكلم نفسه ويعيط ويقول انا اللي جبته لنفسي .. وانقطعت اخباره.

"لكن ده ميمنعش ان في ناس كتير رجعت مصر وعاشت حياتها عادي".


وده كان رأي تاني:
حضرتك هنا تقدرى تربى ولادك زى ما انتى عايزه لو البيت قريب من بعضه ولو سيبتيهم من غير اهتمام طبعا هتبقى مشكله.
بس ده ف اى مكان.
امريكا لما تيجى تعيشى فيها فتره مش هتعرفى ترجعى مصر غير زياره بس.
لكن اهم واحلى حاجه كتبوهالك ناس كتير ان البلد دى عايزه المجتهد بتاع الشغل واهم حاجه الطموح.
مفيش القعده بتاعت مصر بس والمرتب كده كده نازل اخر الشهر.


واحد قال ان الحياة هنا في امريكا صعبة اول كام سنة تعب بس بعد كده احلي.


واحد شرح الموضوع باخصتار وقال:
الحقيقة مفيش قاعدة عامة تمشى على كل الناس كل واحد ليه ظروف مختلفة انا باقترح الصلاة للموضوع ده (الهجرة) وزى الاصدقاء هنا ما قالوا قبلى سوال الناس زى ما حضرتك بتعملى وبعد كده التجربة لمدة ٦ شهور فى امريكا مثلا.
النصيحة اللى قالهالى صديق ليا ان بعد ما خد قرار مدروس ما ابصش ورا بمعنى لو هتقعدوا فى امريكا هتتعبوا فى اول كام سنة بدون ما تفكروا احنا كنا ايه فى مصر او لو هتقعدوا فى مصر تنسوا موضوع امريكا وتقفلوه.


واحد تاني قال:
امريكا بتعطي الفرص لمن يجتهد و يتعب اما ال لسه هييجي من اولها بيسال ايه الحقوق ويدور علي الاعانات والحاجات دي ؟؟؟ من الاخر جاي عشان يرمي بلاه علي البلد لا هينجح ولا هيتقدم وهنفضل طول عمرة بلاش اقول ؟؟؟؟ هوة وأسرته كمان . وايضا فيه ناس بتساعد بامانه وناس اخري بتتعب الناس ال جايه جديده ممكن لعدم المعرفه والافتاءات. بس في الاول والاخر كل واحد يادر يقرر عايز يعيش ازي وفين. اما قرار الرجوع دا قرار اسرة ما ينفعش يكون سؤال لحد وتقريبا بيكون صعب شويه علي ال اولاده تربوا وتعلموا هنا.


علي عكس ناس تانية.. واحدة حكت تجربتها وقالت:
انا كنت عايشه في امريكا ومعايا جرين ورجعت وعايشه في مصر ومش عاوزه ارجع امريكا تاني.


حد تاني قال:
لو جيتي اقطعي علاقتك بالمصريين عشان هيسودوا الدنيا في وشك.. واي حد هيقولك الحياه وردي بيضحك عليكي هتاخدي وقت عشان تتاقلمي وده شئ طبيعي وصحي جدا نظرا لتغير البيئه والانفتاح اهم حاجه لازم يكون قلبك جامد وتدوسي في الحدد ربنا معاكي.


واحد تاني حكي تجربته وقال:
المشكلة اللى بيجى امريكا كبير زيي .. انا جيت ٤٨ سنه وكنت فى مصر مدير حسابات فى وظيفة حكوميه بس الدخل كان على القد .. هنا الشغل ليا صعب . انا دلوقت ٥٢ سنه ومش قادر اشتغل الشغل الكاجول ده وصعب ادرس واعادل شهادتى فى المحاسبة .. يا ريت نصيحة من احد مر بتجربتى .


واحد وضح نقطة مهمى من جانب تاني وقال:
الضغط النفسي في امريكا مش موجود في مصر هنا بتشتغل عشان تدفع ام الفواتير و الايجار.


واحد وضح مثال بسيط لفكرة الرجوع لمصر تاني وقال:
احساسك وانت سايب امريكا وراجع تاني مصر.
زي احساس واحد كان في مدارس لغات واهله خرجوه منها ودخلوه مدارس عربي.


واحد قال:
ايوة كتير طبعا كاان فى امريكا ورجع.
مصر امريكا تعب وهلاك و مصر تعب بردو بس ليك وظيفتك ووضعك واهلك مش تبدا من الصفر.







واحد كمان شرح الموضوع بتفاصيل اكتر شوية وقال:
اول نقطه احب اقول حضرتك عليها لو انتى مرتاحه ماديا فى مصر ومعاكى شغل كويس ودخل مادى بيوفرلك انتى وزوجك واولادك حياة كويسه بلاش تفكر تبداى من الصفر هنا خصوصا فى الاوضاع اللى وصلت ليها البلد بعد الكورونا، لو بتفكرى فى فرق التعليم لاولادك تقدرى تدخليهم مدارس خاصه وجامعات خاصه عندك فى مصر ده لو دخلك المادى يسمح بكده اما لو ميسمحش اكيد مفيش خلاف انه التعليم هنا افضل بمراحل من مصر، الوحده والملل واختلاف الثقافه بينك وبين المجتمع الامريكى بيشكل مشكله كبيره جدا وحتى لو بعد سنين حاولتو تتاقلمو هتلاقى انك اخدتى على نظام روتينى بحت عايشه فى دوامة الشغل وبس يعنى اللى بنبات فيه بنصبح فيه امريكا اجتماعيا صفر بمعنى الكلمه مفيش اى اجتماعيات ونصيحتى
ليكى لو قررتو تيجو اياكى من المصريين ومتسمعيش لحد فيهم لانهم كلهم حاطين نفسهم بمقارنه بينهم وبين بعض وكل واحد بيحاول يوصلك انه سابقك بخطوه وعايز يقنعك انه هو اللى بيعمله صح واى حاجه تانيه غلط بمعنى الكلمه بيغرقو غيرهم. ربنا معاكى صلى وربنا يرشدك.


واحد تاني شرح الموضوع برضو بطريقة بسيطة:
من وجهة نظرى العيشة فى امريكا محتاجة ٣ حاجات عشان تقدرى تكملى هنا و انتى اسرتك كويس ١- يكون فى فلوس تعملى مشروع ٢- دراسة فى مجالك عشان توفرى شغل محترم بدخل كويس و عدد ساعات قليلة لان هنا عشان تكفى المصاريف و الايجار و الفواتير لازم شغل بعدد ساعات كتير و شغل تعبان. ٣- يكون عندك حرفة او صنعة و اللى معاه ده بيقدر يكون دخله كويس و يعيش مرتاح هنا.


واحد تاني نصح صاحب البوست وقاله:
بصي كل واحد بيحكيلك تجربته الشخصيه اللي بتختلف من شخص لاخر.
نصيحتي ليكي تجربي تيجي وتعيشي كانك هتكملي حياتك هنا بمعني تنزلوا شغل وتاخروا مكان المعيشه وبعد فتره تقيموا الموقف وتحددوا علشان ميبقاش فيه ندم انك ضيعتي فرصه وفي نفس الوقت لو قررتي تبقي في مصر مش هتندمي لانك حاولتي وجربتي (ميبقاش في تانيب ضمير ) افضل حاجه انك بنفسك تقيمي لان محدش يعرف ظروفك اكتر منك.


واحد تاني نصحه وقال:
انا لو مكانك و عندي اطفال بستلم الفيزا من السفارة و بروح علي المطار بدون حتى شنط .
ما في مقارنه نهائيا بين دولة عظمي و دول عالم ثالث الشرق الاوسط .
الاولاد الدور الاكبر في حياتهم البيت يعني في اي بلد كانوا لو كان اهلهم حريصين عليهم بطلع محترم .. الموجود في امريكيا موجود في دولنا العربية بس من تحت لتحت .
اذا بدك تيجي لامريكا خلي في بالك الحياة مش سهلة لازم تتعبي علي نفسك و مجهود كبير لانه تغير كبير اختلاف لغة و معاير حياة اذا انتي روحك مرنه و رح تتقلمي كل شي رح يمشي و ترتاحي لانه امريكيا بتعطيكي حقوق ما اخذنها في دولنا العربية و فرص الحياة اكثر .

حاجه مهمه جدا كمان.
متسمعيش لاى حد يقولك اوعى تيجى او اللى عايز ينجح كان نجح ف بلده.
لان ببساطه جدا اى حد من الناس دى اول ما تقوله طيب حضرتك مبترجعش ليه تلاقى الكلام كله اتغير.
ونجاحك او لاقدر الله عدم توفيقك انتى بس السبب فيهم لكن هنا فيه خمسين عامل مساعد عشان تنجحى لو انتى عايزه وقررتى تتعبى شويه بس تعب بجد.


واحد تاني قدم نصيحة وقال:
انزلى زياره وشوفى لو تقدري كملى بس اهم حاجه تكون واخده الجنسيه وعلى حسب معاكى اطفال يقدرو يدخلو مدارس امريكانى فىً مصر ودي مصاريفها غاليه جدا لو ما يعرفوش عربى مولدين هنا عندك مثلا سكن فى مصر عندك مصدر دخل والحياه فى مصر بقت غاليه غير الاول بس الكنايس حلوه طبعا والحياه العاءليه هناك والاهل هنا احلى فى التعليم والنضافه بس الحريه الزياده سهل العيال تضيع مش زي مصر والمخدرات هنا بقى عادي يعنى لازم تفكري من كل الاتجاهات.


وده واحد وضح تجربته باختصار وقال:
انا رجعت مصر بعد ١٠ سنين و كنت باشتغل كويس جدا في امريكا.


واحد قال رأيه كالتالي:
امريكا بلد الاحلام. اللي عنده حلم و عايز يوصله و عنده إرادة يبقي امريكا بلده، واللي معاه فلوس و واسطه يبقي مصر بلده.


الحياة في امريكا مش سهله بس اللي ليه هدف يقدر يقف في جنبه و يقويه في سبيل الوصول.
اللي فاكرها بلد فلوس يلم منها و يرجع يبقي غلطان، الشقا اللي فيها ليه متعه عشان في مقابل حتي لو نفسي.


ومن خلال كل الأراء اللي شوفناها مع بعض دلوقتي.. لازم نعرف ان الحياة في امريكا.
مش سهلة زي ما كل الناس فاكره.
أي مكان في الدنيا محتاج أنك تتعب وتشتغل وخصوصا في البداية.
لكن لو رايح فاكر انك هتلاقي فلوس في الشارع يبقي متروحش احسن.
والحاجه الوحيدة اللي هتفتقدها في امريكا هي عيلتك لو انت رايح لوحدك وهتعيش هناك لوحدك.

بنتمني التوفيق للجميع.
قناة امريكا اليوم.
America Alyoum TV.